«واقف قدام الرصاص».. الكابتن سامح عبد الوهاب راجل شرطة واجه الموت وانتزع السلاح وأنقذ الأرواح
كتب مصطفى المهدي
في لحظة كان الموت فيها أقرب من أي وقت، ظهر المعنى الحقيقي لكلمة بطل من أبطال مباحث قسم شرطة الجمالية. الكابتن سامح عبد الوهاب ضرب أروع مثال في الشجاعة والفداء، لما تدخل بكل جسارة في واقعة إطلاق نار، وواجه شخص مسلح دون تردد، وانتزع منه السلاح وأنهى الخطر في ثواني.
اللي عمله الكابتن سامح مش مجرد تدخل أمني، ده موقف بطولي يُحسب بماء الذهب. ما حسبهاش مكسب وخسارة، ولا فكر في نفسه لحظة، كان همه الوحيد حماية الناس وتأمين المكان، حتى لو كان الثمن حياته.
وسط صوت الرصاص والفوضى، راجل الشرطة الحقيقي ما بيتهزش. ثابت، واعي، مدرَّب، وإيمانه بواجبه أقوى من أي خوف. تدخله السريع منع وقوع ضحايا، وكان سبب مباشر في إنقاذ أرواح بريئة كانت ممكن تضيع في لحظة طيش.
الكابتن سامح عبد الوهاب رسالة لكل الناس إن لسه في رجالة واقفة في الصف الأول، بتحمي البلد بدمها قبل كلامها. تحية فخر واعتزاز لراجل ما فرقش معاه الموت، لأنه اختار يكون درع أمان للناس، ووشّ الخير في وقت الخطر.
